05 май 07:59
Янгиликлар

Теннис

Истоминни мағлуб этган теннисчи ярим финалга чиқди

Туркиянинг Истанбул шаҳрида теннис бўйича ATP тоифасидаги турнир давом этмоқда.

Ҳамюртимиз Денис Истоминни биринчи давра учрашувида мағлубиятга учратган Ласло Дьере ушбу мусобақанинг ярим финалига чиқди. Сербиялик теннисчи чорак финал учрашувида италиялик Паоло Лоренцидан устун келди.

Уч соату 12 дақиқа давом этган баҳсда дунё рейтингида 110-ўринни эгаллаб турган Ласло 6:7(5), 7:5, 7:6(3) ҳисобида зафар қучди. Энди Дьере ярим финалда тунислик Малек Жазирига қарши кортга чиқади.