29 апр 11:59
Янгиликлар

Теннис

Истоминнинг Истанбулдаги илк рақиби маълум, агар ютса иккинчиси ҳам

Мамлакатимизнинг биринчи ракеткаси Денис Истомин эртадан асосий тўр баҳслари бошланувчи Туркиядаги турнирда иштирок этади.

Ҳамюртимиз Истанбул шаҳри мезбонлик қилаётган ATP-250 мусобақасида ўз имкониятини синовдан ўтказади. Бугун мукофот жамғармаси 486 145 АҚШ долларини ташкил қилувчи ушбу турнирнинг асосий тўрига қуръа ташлаш маросими бўлиб ўтди.

Унга кўра, Денис Истомин илк давра учрашувида сербиялик Ласло Дьерега қарши кортга чиқадиган бўлди. Агар теннисчимиз Дьерени мағлуб этса олса, иккинчи босқичда Андреас Сеппига қарши баҳс олаба боради. Италиялик теннисчи учинчи рақам остида таснифланган.

Хорватиялик Марин Чилич биринчи, босниялик Дамир Жумхур эса турнирнинг иккинчи ракеткаси сифатида қайд этилган. Ғолиб теннисчи ўз ҳамёнини 72 020 долларга бойитиб олади. Биринчи раундда иштирок этган барча теннисчиларга 4 320 доллардан тегади.