07 июн 17:07
Янгиликлар

Теннис

ITF. Абдураимова ҳам ярим финалда, ўзбек дербисини кўрамиз

Наманган шаҳрида аёллар ўртасида мукофот жамғармаси 25 000 АҚШ долларини ташкил қилувчи турнир ўтказилмоқда.

Бироз аввал, Ўзбекистоннинг биринчи ракеткаси Сабина Шарипова россиялик рақибасини мағлубиятга учратиб, ярим финал йўлланмасини қўлга киритгани ҳақида хабар қилгандик.

Ҳозиргина, бошқа бир теннисчимиз Нигина Абдураимова чорак финалдаги ўйинини якунлади. Ушбу босқичда Нигинага болгарияликЮлия Тержиска рақиблик қилди. Қизиқарли кечган баҳсда теннисчимиз рақибини 7:5, 6:3 ҳисобларида мағлубиятга учратди ва ярим финалга йўл олди.

Энди у финал чиптаси учун Сабина Шариповага қарши кортга чиқади.