ITF ва Жерар Пикенинг компанияси «Дэвис Кубоги»ни ўтказиш бўйича шартномани бекор қилди

Бу ҳақда Франциянинг 2Playbook нашри манбага таяниб хабар бермоқда.

Kosmos ва ITF молиявий келишмовчиликлар туфайли ҳамкорликни тўхтатди. Манбага кўра, Пикенинг компанияси ҳар бир "Дэвис Кубоги" учун пул тўлашга мажбур бўлиб, бу нақд 40 миллион еврони ташкил этиши керак эди. Бироқ, пандемия даврида шартлар қайта кўриб чиқилди.

Kosmos 10 ва 19 миллион евро миқдоридаги тўловни амалга оширди. Халқаро теннис федерацияси 2023 йилга келиб тўловлар аввалги ҳажмига қайтишига умид қилган, аммо бу амалга ошмади. Томонлар муросага кела олишмади ва шартномани бекор қилишди.

«ITF Kosmos билан "Девис Кубоги" ҳамкорлиги якунланганини тасдиқлайди. Шунга қарамай, бу йилги барча режалаштирилган мусобақалар ўтказилади ва финал 2023 йилнинг ноябрь ойида Малагада бўлиб ўтади. ITF 2018 йилда даромадли келишувга эришганди, натижада "Дэвис Кубоги"га кириш, мукофот пули ва турнирга қизиқиш ортди ҳамда спортимиз ўсишини қўллаб-қувватлаш учун маблағ ажратилди.

Биз энди бор эътиборимизни яна бир турнирга қуръа ташлаш маросимини ўтказиш ва спортнинг энг йирик йиллик халқаро мусобақасига қизиқишни оширишга қаратмоқдамиз», — дейилади TF баёнотида.

Эслатиб щтамиз, Канада жамоаси 2022 йилги "Дэвис Кубоги" ғолиби бўлган.