02 авг 18:54
Янгиликлар

Бокс/ММА

Жаҳон бокси юлдузларидан бири Ўзбекистонга ташриф буюради

Профессионал боксда мутлақ жаҳон чемпиони ҳисобланган америкалик чарм қўлқоп устаси Теренс Кроуфорд Ўзбекистонга келади.

Бу ҳақида Ўзбекистон профессионал бокс федерацияси мутахассиси Сардор Тошхўжаев видеомурожаат орқали маълум қилди. У Олимпия ўйинлари чемпиони Фазлиддин Ғоибназаров билан бирга бокс мухлисларини пойтахтимиздаги "ЭкоПарк"да ўтказиладиган тадбирга чорлаган.

Ушбу тадбир 8 ёки 9 август куни ташкил этилиши режалаштирилмоқда.

Маълумот учун, Теренс Кроуфорд америкалик профессионал боксчи. Биринчи яримўрта вазн тоифасида мутлақ жаҳон чемпиони (2017 йил). Айни пайтда яримўрта вазн тоифасида WBO камари соҳиби ҳисобланади.