Жаҳон чемпионати. Бугун биргина Биланга мухлислик қиламиз

Бугун “Papp Laszlo Arena” мезбонлик қилаётган жаҳон чемпионатининг саккизинчи кунги беллашувларида полвонлар 77, 97 ҳамда энг оғир 130 кг вазн тоифаларида гиламга чиқишади. Юртимиз шарафини эса бор йўғи битта вазн тоифасидаги юнон-рум курашчимиз ҳимоя қилади. 

Аниқроғи, диққат эътиборимиз -77 кг вазн тоифасида Ўзбекистон номидан гиламга чиқадиган Билан Налгиевга қаратилади. У баҳсларга 1/16 финал босқичидан қўшилади ва бу даврада грециялик Георгиос Преволаркисга қарши баҳс олиб боради. 

Эслатиб ўтамиз, шу кунгача жаҳон чемпионатининг иккита медалига эга бўлдик. -63 кг вазн тоифасидаги вакилимиз Рио Олимпиадаси совриндори Элмурат Тасмурадов кумуш, -74 кг вазн тоифасида гиламга чиққан Осиё ўйинлари ғолиби Бекзод Абдураҳмонов эса бронза медалини қўлга киритди.