Жаҳон чемпионати. Ҳозирча икки нафар таэквондочимиз чорак финалга йўл олди

Бугун кун давомида беш нафар таэквондочимиз даянга чиқиши ҳақида аввалроқ маълум қилгандик. 

-37 кг вазнли таэквондочимиз Аброр Ўлмасов 1/32 финалда қирғизистонлик Ярослав Романовни 33:3 ҳисобида мағлубиятга учратди. 1/16 финалда эса қозоғистонлик Тамерлан Тлеулесга 12:17 ҳисобида имкониятни бой бериб қўйди. 

-33 кг вазн тоифасидаги Муҳаммадамин Алиев эса илк жангида британиялик Оуен Блантга қарши даянга чиқди ва 23:2 ҳисобида ғалаба қозонди. Нимчорак финалда эса филиппинлик Хулио Мигель Сапатани 23:3 ҳисобида мағлубиятга учратди. Энди у чорак финалда швециялик Адеми Блеронга қарши баҳс юритади. 

-41 кг вазнли Лайло Зайниддинова мусобақани 1/16 финалдан бошлади. Ҳамюртимиз илк жангида тожикистонлик Гулноза Максумовага қарши жанг қилиб, 8:5 ҳисобида ғалаба қозонди. 1/8 финалда эса мисрлик Яна Элманзалви билан жанг қилган Лайло 4:0 ҳисобида ғалаба қозониб, чорак финалга йўл олди. Энди Лайло ярим финалга чиқиш учун эронлик таэквондочи Заҳро Зарин Наал Шейханига қарши жанг қилади. 

-47 кг вазнли қизимиз Ситора Муҳаммад Ғулом Расул 1/16 финалда болгариялик Алина Ивановани 11:5 ҳисобида мағлубиятга учратди. Энди у чорак финалга чиқиш учун қозоғистонлик Мария Севостяновага қарши баҳс юритади. 

-53 кг вазнли таэквондочимиз Самандар Ҳамдамов ҳали жангларни бошламади. У иштирокини 1/8 финалда болгариялик Денис Димитровга қарши даянга чиқади. 

Суратлар муаллифи: Жаҳонгир Файзуллаев