Жаҳон чемпионати. Нечта давлат қанча медаль олди?

Унда дунёнинг 67та мамлакатидан 850 нафарга яқин спортчи ва мураббийлар иштирок этишди. 

Тошкентдаги Жаҳон чемпионатида 28та давлат спортчилари камида битта медаль олишди. 40га яқин мамлакат таэквондочилари эса уйга медалсиз қайтишди. Энг кўп медални эронликлар қўлга киритишди - 13та. Россиялик таэквондочилар эса 10та медалга эга чиқишди. Хитой Тайпеилик спортчилар 7 марта шоҳсупага кўтарилишди, Таиланд ҳамда Жанубий Корея ҳисобида 6тадан медаль бор. 

Ўзбекистон терма жамоаси эса ўз уйидаги мусобақада 2та медални қўлга киритди. 

Ушбу Жаҳон чемпионатида ўзбек таэквондоси тарихида янги саҳифа очилди. Яъни ўзбекистонлик таэквондочи кадетлар ўртасидаги Жаҳон чемпионатида ҳеч қачон финалга чиқмаган эди. -41 кг вазн тоифасида ҳамюртимиз Зафарбек Каримов барча рақибларни мағлуб этиб, олтин медални қўлга киритди. Мусобақа якунида айнан у Жаҳон чемпионатида энг яхши эркак спортчиси деб топилди. 

-33 кг вазн тоифасида ҳамюртимиз Муҳаммадамин Алиев эса ярим финалга қадар етиб борди. Афсуски у финал остонасида бўлажак Жаҳон чемпионига мағлуб бўлди ва юртимиз ҳисобига бронза медалини келтирди. 

Ўзбекистон таэквондо WTF Ассоциацияси матбуот хизмати