16 сен 07:12
Янгиликлар

Бокс/ММА

Жаҳон чемпионати. Санжар Турсуновнинг ғалабали жангидан ФОТОГАЛЕРЕЯ

Россиянинг Екатеринбург шаҳри мезбонлигида ўтаётган ҳаваскор боксчилар ўртасидаги жаҳон чемпионати ўзининг қизғин палласига кириб боряпти.

Кеча оқшом -91 кг вазн тоифасида юртимиз шарафини ҳимоя қилаётган Санжар Турсунов жаҳон чемпионатидаги илк жангини ўтказди. Проф боксда дебют қилишга улгурган Санжар бразилиялик Абнер Тейшейра Да Сильвага қарши рингга кўтарилди.

Уч раунд тўлиқ давом этган қизиқарли ва муросасиз жанг якунида Санжар Турсунов ҳакамлар қарорига кўра 5:0 ҳисобида ғалаба қозониб, кейинги босқич йўлланмасини қўлга киритди.