Жаҳон чемпионатида тарихий натижа қайд этган боксчиларимиз Ўзбекистонда тантанали кутиб олинди + ФОТО

Унда ўзбекистонлик ёш боксчилар ҳам иштирок этиб, 10 та медални қўлга киритишди. 

Қувонарлиси, мазкур жаҳон чемпионати ўзбек бокси тарихида янги саҳифа очди. Яъни, -54 кг вазн тоифасида юртимиз шарафини ҳимоя қилган Нигина Ўктамова барча рақибаларини мағлубиятга учратган ҳолда, ўзбек боксчи қизлари ичида илк маротаба жаҳон чемпионига айланди. Бунгача қизларимиз хеч қачон жаҳон чемпионатида бундай натижа қайд эта олишмаганди. Йигитларимиз ичида эса Шаҳзод Музаффаров (-52 кг) ва Жаҳонгир Зокиров (+91 кг) олтин медални қўлга киритди. 

Жаҳон чемпионати қаҳрамонлари бугун тунда Ислом Каримов номидаги Тошкент халқаро аэропортида тантанали тарзда кутиб олинди. Кутиб олиш маросимиза Ўзбекистон туризм ва спорт вазирлиги, Миллий олимпия қўмитаси, Ўзбекистон бокс федерацияси раҳбарияти, спортчиларимизнинг яқинлари, мухлислар ва ОАВ вакиллари иштирок этишди. 

Эслатиб ўтамиз, мусобақа давомида Ўзбекистон терма жамоаси 3 та олтин, 1 та кумуш ва 6 та бронза медалини қўлга киритди.

Ўзбекистон бокс федерацияси матбуот хизмати