04 авг 10:54
Янгиликлар
Спорт курашлари
Жаҳон чемпионатининг сўнгги кунида эркин курашчиларимиз иккита медалга эга чиқди
Кеча Грециянинг Афина шаҳрида спорт курашлари бўйича U-17 ёш тоифасидаги дунё биринчилигининг сўнгги кунидан ўрин олган беллашувлар ўтказилди.
Аҳамиятлиси, унда иштирок этган Ўзбекистон терма жамоаси аъзолари биттадан кумуш ва бронза медалини қўлга киритишди.
45 кг вазнли спортчи Миржалол Мукаммалов бронза медали учун кечган баҳсда қирғизистонлик Арнур Нурсаидовни мағлуб этган бўлса, 51 кг вазн тоифасидаги юртдошимиз Улуғбек Рашидов ҳал қилувчи беллашувда америкалик Самуэль Рейес Санчесга имкониятни бой бериб қўйди ва кумуш медални ўзиники қилди.
Шу тариқа, эркин курашчиларимиз U-17 Жаҳон чемпионатини 2 та кумуш ва 1 та бронза медали билан якунлашди.
Ҳавола :
Манба : olamsport.com
Фикрлар