Жаҳон чемпионатининг тўртинчи кунидан сўнг нечанчи ўриндамиз?

Тўртинчи кун доирасида 3 та вазн (эркакларда -90, аёлларда -70, -78 кг) тоифаларида ғолиб ва совриндорлар аниқланди. Грузиядан сўнг Япония терма жамоаси ҳам жаҳон чемпионатидаги иккинчи олтин медалини қўлга киритди ва табиийки турнир жадвалида қўшҳокимлик юзага келди. 

Кеча яна икки давлат - Франция ва Германия жаҳон чемпионатининг олтин медалига эга чиқди. Шу кунгача Япония, Италия, Мўғулистон, Нидерландия, Корея Республикаси ва Озарбайжон терма жамоалари дзюдочилари жаҳон чемпионатининг олтин медалини расмийлаштириб улгурганди. 

Шу тариқа, камида бир нафар жаҳон чемпионига эга давлатлар сони 9 тага етди. Биттадан кумуш ва бронза медалига эга Канада терма жамоаси 10-ўринни банд этган бўлса, Ўзбекистон делегацияси 1 та кумуш медаль эвазига 11-поғонадан жой олган.