Жаҳон кубоги. Икки боксчимизда мағлубият, улар орасида Олимпиада чемпионимиз ҳам бор

Мусобақанинг учинчи куни 4 нафар боксчимиз навбатдаги босқич жангларида рингга чиқишди. Жаҳон чемпиони Миразизбек Мирзахалилов польшалик Николас Павликни 5:0 ҳисобида мағлубиятга учратди. Жавоҳир Умматалиев америкалик Робби Гонсалесдан устун келди - 3:2.

Афсуски, муросасиз кечган жангда Париж-2024 Олимпиадаси чемпиони Асадхўжа Мўйдинхўжаев мезбон боксчи Юри Рейсга 2:3 ҳисобида имкониятни бой бериб қўйди. Яна бир тажрибали чарм қўлқоп устамиз Иқболжон Холдаров ҳам бу босқичда англиялик Одел Камарага ютқазиб (0:5) қўйди. 

Боксчиларимиз иштирокидаги жанглар:

-55 кг: Миразизбек Мирзахалилов - Николас Павлик (Польша) 5:0

-70 кг: Иқболжон Холдаров - Одел Камара (Англия) 0:5

-65 кг: Асадхўжа Мўйдинхўжаев - Юри Рейс (Бразилия) 2:3

-80 кг: Жавоҳир Умматалиев - Робби Гонсалес (АҚШ) 3:2