Жаҳонгир Расулов Австралияда рингга кўтарилди ва рақибини муддатидан аввал мағлуб этди + ВИДЕО

Яримўрта вазн тоифасида ўзбекистонлик профессионал бокс устаси, 26 ёшли Жаҳонгир Расулов фаолиятидаги олтинчи жангини ўтказди.

У бугун Австралиянинг Мельбурн шаҳрида жойлашган Kilda Town Hall аренасида ташкиллаштирилган бокс оқшомининг марказий жангида рингга кўтарилди. Ҳамюртимизга филиппинлик Жан Рик Карседо рақиблиқ қилди. 8 раунд этиб белгиланган жанг иккинчи раунддаёқ якунланди, қувонарлиси, ҳамюртимиз рақибига кетма-кет зарбалар йўллаб, нокаутга учратди ва ўзининг олтинчи ғалабасини қўлга киритди.