Жалолиддин Машарипов: "Каннаваро менга қўнғироқ қилди ва жамоага кераклигимни таъкидлади"

Унинг фикрларини қуйида эътиборингизга ҳавола этамиз:

"Жароҳатим битди ва ўзимни яхши ҳис қиляпман. Эронлик шифокор оёғимни 10 сония кўздан кечириб, тиззаости пайим узилганини айтди, ўша пайтда у алдаётганини билардим. Яна бир жарроҳга учрадим ва жароҳатланган чап оёғим ўрнига ўнг оёғим суратини кўрсатдим ва у операция қилиш зарурлигини айтди. Ўзбекистон Президенти мен учун Германиядан энг яхши жарроҳни келтирди ва унинг ёрдамида соғайишга муваффақ бўлдим.

Фабио Каннаваро Ўзбекистонннинг олдинги ўйинларини кўриб чиққач, дарҳол таржимондан "бу 10-рақамдаги футболчи ким?", деб сўраган. Шундан сўнг мураббий менга қўнғироқ қилди ва жамоага кераклигимни таъкидлади.

Осиё Кубогидан сўнг Қатар, БАА клублари ва "Персеполис"дан таклифлар тушди, бироқ мен "Истиқлол"ни танладим.

Остон Ўрунов мен билан бирга "Истиқлол"га ўтиши режалаштирилганди, аммо сўнгги лаҳзада у "Персеполис"га йўл олди. 

Рустам Ашурматов ҳам "Персеполис"дан таклиф олган, бироқ унга у ерда ўйнамаслигини айтиб, "Истиқлол"га чақирганман.

Бош мураббий Рикарду Са Пинту мендан Игорь Сергеев ҳақида айрим нарсаларни сўради. "Истиқлол" унга қизиқмоқда", – деди Машарипов.