06 май 10:46
Янгиликлар

Бокс/ММА

Жалолов эртага Тошкентга қайтиб келади

Бугун профессионал боксдаги дебют жангини ўтказган Баҳодир Жалолов Тошкентга қайтмоқда.

Хабар берганимиздек, бугун Жалолов АҚШда илк жангини ўтказиб, унда мексикалик боксчи Уго Трухильони учинчи раундда нокаутга учратганди. Баҳодир жанг якунланиши билан енгил машинада Нью-Йоркка жўнаб кетган.

Эртага Тошкент вақти билан соат 10:00да Жалолов Тошкентга қайтиб келади. У билан бирга мураббий Тўлқин Қиличев ҳам Ўзбекистонга қайтяпти. Яна бир мураббий Равшан Ходжаев эса Элнур Абдураимовни 18 май кунига белгиланган дебют жангга тайёрлайди.