Жалоловда кумуш, Поёновда бронза, Жамалов эса медалсиз қолди

Финалга қадар етиб келган ягона эркин курашчимиз Умиджон Жалолов (-65 кг) ҳиндистонлик доимий рақибига ютқазиб, кумуш медаль билан кифояланди. Шерзод Поёнов (-92 кг) эса учинчи ўрин учун кечган беллашувда ғалаба қозониб, бронза медалига сазовор бўлди.

Ярим финалда япониялик унчалик таниқли бўлмаган курашчига бир очко фарқи билан ютқазиб қўйган Париж Олимпиадаси чемпиони Разамбек Жамалов бронза медали учун кечиши керак бўлган беллашувга чиқмади. Бунинг натижасида бронза медали мўғулистонлик Сулдҳуу Олонбаярга тақдим этилди. 

Бугун уч нафар эркин курашчимиз - Бегижон Қўлдошев, Бобур Исломов ва Париж Олимпиадаси совриндори Ғуломжон Абдуллаев Осиё чемпионатининг бронза медали учун гиламга чиқади. 

Бронза учун курашадиган ҳамюртларимиз:

-61 кг: Ғуломжон Абдуллаев — Азатберди Ашургулеев (Туркманистон)

-74 кг: Бегижон Қўлдошев —  Мустафо Аҳмедов (Тожикистон)

-86 кг: Бобур Исломов / Хидир Сайпудинов (Баҳрайн) — Болат Сакаев (Қозоғистон)