14 апр 11:33
Янгиликлар

Бокс/ММА

Жалоловнинг вазнидаги истиқболли боксчилардан бири — Мозес Итауманинг навбатдаги жанги эълон қилинди

Супероғир вазндаги англиялик проф боксчи Мозес Итаума (11-0, 9 КО)нинг кейинги жанги бўйича хабар берилди.

У ҳамкорлик қиладиган навбатдаги Queensberry Promotions компаниясининг маълум қилишича, Итаума америкалик 41 ёшли Майк Балоган (21-1, 16 КО) билан жанг қилади.

Ушбу жанг 24 май куни Шотландиянинг Глазго шаҳрида бўлиб ўтади. Сўнгги жангида Мозес Итаума Демпси МакКинни биринчи раунддаёқ нокаутга учратган эди.

Маълумот учун, супер оғир вазн тоифасида ўзбекистонлик Баҳодир Жалолов (15-0, 14 КО) фаолият олиб боради.