10 окт 14:32
Янгиликлар

Бокс/ММА

Жамал Хилл Анкалаев - Перейра жангининг тўхтатилишига норозилигини билдирди

Ярим оғир вазн тоифасида собиқ UFC чемпиони Жамал Хиллнинг фикрича, ҳакам Херб Дин Магомед Анкалаев ва Алекс Перейра ўртасидаги чемпионлик жангида бразилияликнинг муддатидан олдин ғалабасини қайд этиб хатога йўл қўйган.

"Тарих такрорланади. Нотўғри тўхтатишнинг яна бир қурбони, бу эса Алексга яна кучлироқ бўлиб кўринишга имкон беради", - деди америкалик жангчи ўзининг YouTube каналидаги видеода.

Ўтган йили биринчи раунддаёқ Перейрага нокаут билан ютқазган Хилл, ўша жангда ҳам реферилик қилган Херб Динни айблади. У бразилияликнинг чов қисмига зарба берганидан кейин "тўхта" деб буйруқ берган, аммо "Поатан"га ҳужумни давом эттиришга ва рақибини нокаутга учратишга имкон берган Херб Диннинг ҳаракатларини танқид қилган эди.

Ўтган дам олиш куни Лас-Вегасда бўлиб ўтган UFC 320 турнири доирасидаги Анкалаев ва Перейра ўртасидаги жанг бразилиялик аралаш яккакураш устасининг муддатидан олдин қўлга киритилган ғалабаси билан якунланганди.