10 ноя 21:17
Янгиликлар

Оғир атлетика

Жангабаев жаҳон чемпионатида иккита медалга эга чиқди

Туркманистон пойтахти Ашхобод шаҳри мезбонлик қилган оғир атлетика бўйича жаҳон чемпионати ўз якунига етди.

Мусобақанинг сўнгги куни энг оғир +109 кг вазн тоифасида ғолиб ва совриндорлар аниқланди. Ушбу вазнда юртимиз спорт шарафини Осиё ўйинлари совриндори Рустам Жангабаев ҳимоя қилди. Айнан у икки кураш натижаларига кўра медаль қўлга киритган ягона спортчимизга айланди.

Қорақалпоғистонлик 25 ёшли спортчимиз силтаб кўтаришда 245 кг натижа билан бронза медалини қўлга киритди. Даст кўтаришда 202 кг билан тўртинчи ўринни эгаллади. Икки кураш бўйича эса 447 кг кўрсаткич билан бронза медалига сазовор бўлди.