27 сен 08:41
Янгиликлар

Бокс/ММА

Жангдан кейин Жошуани касалхонага олиб кетишган

Украиналик Александр Усикка очколар ҳисобига кўра имкониятни бой берган эндиликда собиқ жаҳон чемпиони Энтони Жошуа Лондондаги касалхоналарнинг бирига олиб борилган.

Шифокорларнинг айтишича, британиялик боксчининг кўз соққаси синган бўлиши мумкин. Бу ҳақида боксчининг промоутери Эдди Хирн хабар берди.

"Энтони тўққизинчи раунддан кейин кўзи кўрмай қолганини айтди. Фақат жисмоний тайёргарлик ҳисобига у рингда ҳаракат қилишда давом этди. Шифокорлар аниқ ташхис қўйишганидан сўнг муолажалар бошланади, — дея Хирннинг сўзларини келтирмоқда The Sun нашри.

Эслатиб ўтамиз, Усик - Жошуа чемпионлик жанги тўлиқ 12 раунд давом этган ва якунда ҳакамлар украиналик боксчининг яққол устунлик билан қозонган ғалабасини таъминлашганди — 116-112, 117-114, 115-113. Ушбу ғалабаси эвазига Усик WBA Super, WBO, IBF ва IBO чемпионлик камарларини қўлга киритган эди.