Жанги бекор бўлган Шавкат Раҳмоновнинг эҳтимолий рақиблари айтилди

Уларнинг жанги 7 декабрь куни АҚШнинг Невада штати Лас-Вегас шаҳрида ташкил этиладиган UFC 310 турнирининг асосий тўқнашуви бўлиши керак эди.

"Ҳозир Шавкатга янги рақиб излашяпти. Шунчаки рақиб эмас, кучли ва муносиб жангчи бўлиши керак. Нима бўлган тақдирда ҳам биз белгиланган санада жанг ўтказишимиз шарт. Бир нечта вариантлар бор. Кўрамиз, энг мақбулини танлаймиз. Чемпионлик баҳси бўладими ёки оддий рейтинг жангими, очиғи бунинг фарқи йўқ. Ягона муаммо - биз Белал учун жангга тайёрлангандик. Энди машғулотларга ўзгартириш киритишга тўғри келади. Эдвардс, Усман, Маддалена, Гэрри... мана шу йигитларнинг бири билан жанг қилишни истаймиз", деди "Номад"нинг мураббийи Эдуард Базров.

Бундан ташқари, Раҳмоновнинг мураббийи Белал Муҳаммаднинг инфекция сабаб жангни бевор қилганига ҳам муносабат билдирди.

"Мен бу жиддий, жангни бекор қилишга сабаб бўладиган инфекция демаган бўлардим. Бундай инфекцияни кўплаб жангчилар юқтириб олишади. Касалхонада ётиб даволанадиган касаллик эмас. Ҳа, айрим ҳолатларда антибиотик қилинади. Аксарият ҳолларда мазь билан ҳам даволанади. Бир ҳам, узоғи билан ўн кунда машғулотларни бошлаган жангчиларни кўрганман. Биздан бундан ҳам жиддий сабаблар бўлган, лекин жангни ҳеч бекор қилмаганмиз", - деди Базров.