Жангига бир кун қолганида Шоҳасан Мирзаматовнинг рақиби ўзгарди

Мусобақа доирасида ярим ўрта вазн тоифасидаги ўзбекистонлик аралаш якка кураш устаси Шоҳасан Мирзаматов эронлик Фарзад Гадери билан баҳс олиб бориши керак эди.

Бироқ бугун бўлиб ўтган вазн ўлчаш ва face to face маросимида маълум бўлишича, Мирзаматовнинг рақиби ўзгарган. Энди Шоҳасан Қирғизистон вакили Абилкассим Якубов билан жанг қилади. Гадерининг турнирда қатнаша олмаслиги сабаби айтилмаган.

Маълумот учун, 34 ёшли Шоҳасан фаолияти давомида ҳозирга қадар 18 та жанг ўтказиб, уларнинг 14 тасида ғалаба қозонган, 4 та жангда имкониятни бой берган. Абилкассим Якубов ҳисобида эса 12 та ғалаба ва 11 та мағлубият мавжуд.