22 мар 09:09
Янгиликлар
Гимнастика
Жароҳатдан қайтган Тахмина Икромова Марбелья Гран-присида шоҳсупага кўтарилди
Испаниянинг Марбелье шаҳрида бадиий гимнастика бўйича Гран-при сериясидан ўрин олган турнир ўтказилмоқда.
Мусобақанинг кечаги куни доирасида яккалик йўналишидаги кўпкураш беллашувлари ташкил этилди. Унда иштирок этган Ўзбекистон терма жамоасининг етакчи вакиласи Тахмина Икромова 112.70 балл тўплади.
Аҳамиятлиси, бу орқали ҳамюртимиз 20 нафар спортчи орасида иккинчи энг яхши натижани қайд этиб, кумуш медалга эга чиқди. Бу Икромова учун жароҳатдан кейинги илк мусобақа бўлди.
Марбелья Гран-приси 2026. Кўпкураш
1. Таисия Онофрийчук (Украина) – 115.50
2. Тахмина Икромова (Ўзбекистон) – 112.70
3. Лилиана Левиньски (Польша) – 110.10.
Ҳавола :
Манба : olamsport.com
Фикрлар