Жавоҳир Умматалиев: "ЖЧдаги иккинчи ўрин ҳам ёмон эмас, лекин..."

"Бизни қўллаб-қувватлаб турган барчага раҳмат. Марказий Осиё вакиллари ҳам жанг давомида қўллаб-қувватлаб туришди - Қозоғистон, Тожикистон, Туркманистон, Қирғизистон! Барчага катта раҳмат айтаман. 

Жангни ҳамма кўрди. Бундан кейин ҳам тўхтаб қолмаймиз. Кейинги йили Осиё ўйинлари, Осиё чемпионати бор. Эндигина 20 ёшдаман. Ҳали ҳаммаси олдинда. 

Спорт юлдузлари келиб бизнинг жангимизни кузатишди. Ярим финалда Арлен Лопесга қарши жанг қилиб, ғалабага эришдим. Бундан жудаям хурсандман. 

Иккинчи ўрин ҳам ёмон натижа эмас. Лекин Ўзбекистон бокс мухлислари фақат олтин медалга ўрганиб қолишган. Ҳали барчаси олдинда. Насиб қилса, ўзимизни кўрсатамиз. Мени қўллаб-қувватлаганларнинг ишончини албатта оқлайман. Худо хоҳласа Олимпиадада олтин медаль олиб келишга ваъда бераман", - деди Жавоҳир Умматалиев.