13 сен 01:03
Янгиликлар
Бокс/ММА
ЖЧ ярим финалида "ўзбекча дерби" бўлиб ўтди
Ливерпуль шаҳрида бокс бўйича катталар ўртасидаги Жаҳон чемпионатининг ярим финал баҳслари ўтказилмоқда.
Мусобақа доирасида -75 кг вазн тоифасида юртимиз шарафини ҳимоя қилаётган Фазлиддин Эркинбоев собиқ боксчимиз, ҳозирда Озарбайжон терма жамоаси номидан мусобақаларда қатнашаётган Саиджамшид Жафаровга қарши рингга кўтарилди.
Тўлиқ давом этган жангда Фазлиддин Эркинбоев 4:1 ҳисобида ғалаба қозонди. Саиджамшид эса мусобақани бронза медали билан якунлайдиган бўлди.
Маълумот учун, Эркинбоев шу кунгача Туркия ва Бельгия вакилларини мағлубиятга учратиб, ярим финалга қадар етиб келганди.
Эркинбоев энди финалда Болгария вакилига қарши жанг қилади.
Ҳавола :
Манба : olamsport.com
Фикрлар