Жек Делла Маддалена: "Махачевни синдираман ва рейтингда унинг ўрнини эгаллайман"

Австралиялик аралаш яккакураш устаси бўлажак жангда нафақат ярим ўрта вазндаги UFC чемпионлик камарини ҳимоя қилишни, балки россияликни вазн тоифасидан қатъи назар ташкилотнинг энг яхши жангчилари рейтингининг иккинчи поғонасидан тушириб юборишни режалаштирмоқда.

"Бу менинг Белал Муҳаммад билан жангимга ўхшайди. Ислам тейкдаун учун фаол ҳаракат қилади, лекин мен ҳар бир раундда оёққа туриб, уни тик ҳолатда синдиришим ва унга зарар етказишимга ишонаман. Уни синдираман. Бу орзу - "Medison Skver Garden"да финишга етиб бориш ва энг буюк яримўрта вазн тоифаси жангчиларидан бирига айланиш.

Менинг устунлигим шундаки, MMA жангчиси сифатида мен ундан яхшироқман. Мен Ислам Махачевни синдираман ва P4P рейтингида унинг ўрнини эгаллайман. Бу менинг фаолиятим ва меросим учун ажойиб лаҳза бўлади", - деди австралиялик жангчи UFC Countdown видеоблогида.