Жек Кэттерол нима учун Шаҳрам Ғиёсов билан жангга рози бўлганини очиқлади

Оқшом доирасида ярим ўрта вазн тоифасида вақтинчалик WBA чемпионлик камари учун ҳам жанг ташкил қилинади ва унда ҳамюртимиз Шаҳрам Ғиёсов британиялик Жек Кэттеролга қарши рингга кўтарилади. Жек нима учун ушбу жангга рози бўлгани, мажбурий даъвогар бўлган Дэвин Хейни билан учрашиш имкониятини кутмаганини тушунтирди.

Кэттеролнинг сўзларига кўра, Ғиёсовга қарши жанг таклифини қабул қилишда у ўзининг биринчи ярим ўрта вазн тоифасидаги тажрибасини ҳисобга олган. Бу дивизионда у уч йилдан ошиқ вақт давомида мажбурий даъвогар мақомида бўлган. 

"Бу менинг ҳаётимдаги психологик жиҳатдан энг оғир давр эди, - деди инглиз The Ring нашрига берган интервьюсида ўша даврни эслаб. - Аммо мен учун таклиф қилинган ҳар қандай жанг бошқа имкониятдан воз кечиш учун жиддий асос бўлиши керак ва бу вариант айнан шундай. Муддатидан саккиз-ўн ҳафта олдин менга таклиф қилинган катта бокс кечасида WBA чемпионлиги учун жанг. Мен бу имкониятдан воз кечмоқчи эмасман... 32 ёшдаман ва исталган рақиб билан жанг қилишга тайёрман. Хэйни истамаяптими — унда менга Шаҳрамни беринглар деб айтганман".

Маълумот учун, Жек Кэттерол проф боксдаги фаолиятида 32 ғалаба (14 нокаут) ва 2 мағлубият қайд этган. Шаҳрам Ғиёсов эса 17 та жангининг барчасида зафар қучган. Ушбу жангларининг 10 тасини муддатидан аввал якунланган.