Жервонта Дэвис нотаниш аёлга ҳужум қилишда айбланмоқда

VIP залида хизмат қилувчи официант 30 октябрь куни Дэвисга қарши фуқаролик даъвосини қўзғатиб, боксчини оғир калтаклаш, ноқонуний қамоққа олиш, одам ўғирлаш ва қасддан руҳий тушкунлик келтириб чиқаришда айблади. 

Унинг таъкидлашича, ҳужум 27 октябрь куни содир бўлган. Даъво аризасига кўра, Дэвис уни клубнинг иккинчи қаватидаги VIP залида учратиб қолган. Кейин у уни зўрлик билан ушлаб, орқа эшикдан автотураргоҳга судраб чиққан. Бу вақт ичида Дэвис уни бир неча бор бўғиб, бошининг орқа қисмига урган.

Официант аёл ва Дэвис илк бор 2022 йилда танишишган. У ҳужумга учраганини даъво қилишидан олдин беш ой давомида Жервонта билан муносабатда бўлган. Шу ойлар давомида боксчи унга тўрт марта жисмоний ҳужум қилгани ва икки марта ўлдириш билан таҳдид қилгани айтилмоқда.