29 май 10:44
Янгиликлар

Бокс/ММА

Жервонта Дэвис Ролли Ромерони нокаутга учратди

Бугун тонгда АҚШнинг Нью-Йорк шаҳрида профессионал бокс кечаси ташкил этилди.

Barclays Center аренада ўтган оқшомнинг марказий жанги америкалик нокаутчи Жервонта Дэвис (27-0, 25 KO) ҳамда даъвогар боксчи Роландо Ромеро (14-1, 12 KO) ўртасида бўлиб ўтди.

Дэвисга тегишли WBA World камари учун кечган жанг олтинчи раундда тўхтатилди. Жервонта чап қўлда йўллаган кучли ва аниқ зарбаси эвазига Ромерони нокаутга учратди. Роландо ўрнидан туришга муваффақ бўлди, аммо рефери жангни тўхтатишга қарор қилди.

Шу тариқа, Жервонта Дэвис фаолиятидаги 27-ғалабасини қўлга киритди. Нокаут эвазига ютган жанглари 25 тага етди. Унинг ҳисобида мағлубият ва дуранг йўқ.