Жейк Пол келгуси йил учун катта режаларни маълум қилди

Шунингдек, у 2026 йилда биринчи оғир вазн тоифасида WBC чемпиони Баду Жек билан учрашишни режалаштирмоқда. 28 ёшли Жейк Пол ва 36 яшар Энтони Жошуа ўртасидаги жанг ҳақида хабарлар шу йилнинг бошида пайдо бўлган эди. Аммо кейин Жейк 14 ноябрь куни Жервонта Дэвисга қарши кўргазмали жанг ўтказилишини, Жошуага қарши жанг эса келаси йилга режалаштирилганини маълум қилди.

"Бу жанг 100 фоиз амалга ошиши мумкин. Жамоаларимиз аллақачон музокаралар олиб бормоқда ва ушбу жангни келгуси йилда ташкил этишга ҳаракат қилмоқда. Жервонта Дэвисга қарши жангдан кейин Энтони Жошуага қарши жанг қилиш қизиқарли бўлади. Ҳеч ким менга ҳеч қандай имконият бермайдиган жангда катта таваккалчилик ва катта чақирувга боришни ёқтираман", - деди Жейк Пол Sky Sports’га берган интервьюсида.

Шунингдек, Жейк Пол келаси йили декабрь ойида Ноэл Микаэлян билан реванш жанги ўтказадиган WBC чемпиони Баду Жек билан тўқнаш келиши мумкинлигини маълум қилди.

"Менимча, бу эҳтимоли юқори жанг, - деди Жейк Пол Баду Жекка қарши жанг ҳақида. - Шунчаки юлдузлар тўқнашиши керак, унинг олдинда жанги бор ва у ғалаба қозониши керак ва ҳоказо. Одамлар доим гапиришади. Бу мен интилаётган эътироф эмас. Ахир мен шунчаки жаҳон чемпиони бўлишни, ғалаба қозонишни ва ўз ҳаётим билан яшашни хоҳлайман".