Жейк Пол Конорга қарши жанг учун энг яхши мураббийлар билан машғулот ўтказади

"Ким айтди мени ташвишланмаяпти деб? Конор 15 йилдан бери шуғулланади. Аммо, яхши жанг қилаётганимни ҳисобга олсак, имкониятим борлигини биламан.  Мен олти ой давомида дунёдаги энг яхши ММА мураббийлари билан эрталаб, тушлик ва кечқурун машғулот ўтказаман ва фаворит бўлишга ҳаракат қиламан.

Конор, сен бутун умр худбинлик қилдинг. Сен бой инсонсан. Менинг таклифимни қабул қил. Каттароқ иш қилайлик. Мен тайёрман”, — дея Полнинг сўзларини келтиради The Sun.

2021 йил декабрь ойида Пол бошқа бир UFC'нинг собиқ чемпиони, америкалик Тайрон Вудлини бокс бўйича реванш жангида нокаутга учратиб, ўзининг боксдаги ғалабали сериясини бештага етказганди. 

Жейк ММА'да ўзини синаб кўриш истагини бир неча бор билдирган. Шунингдек, у узоқ вақтдан бери турли чиқишлар билан UFC президенти Дана Уайтнинг жиғига тегиб келмоқда.