30 мар 07:22
Янгиликлар

Бокс/ММА

Жейк Пол рингга қайтиш муддатини айтди

Америкалик 29 ёшли блогер-боксчи Жейк Пол Энтони Жошуага ютқазгани, жағи икки марта синганига қарамай, рингга қайтиш ҳақида қайғура бошлади.

У шу йилнинг ноябрь-декабрь ойларида рингга қайтишни режалаштирмоқда.

"Ўйлашимча, тўрт-беш ойдан кейин спаррингларга кириша оламан, — деди Жейк Пол Sky Sports’га берган интервьюсида жағи синганидан кейинги тикланиш ҳақида гапириб. — Кундан кунга яхшиланяпти, лекин бу, албатта, ноқулайлик туғдиради. Кўрамиз, спаррингларга қайтганимда нима бўлар экан. Эҳтимол, жанг ноябрь-декабрь ойларида ўтказилиши мумкин".

Аввалроқ Жейк Пол эндиги рақиби UFC собиқ чемпиони Фрэнсис Нганну бўлиши мумкинлигини айтганди. Ҳозирда у 2023 йилда ўзи мағлуб бўлган британиялик боксчи Томми Фьюри билан реванш жанги ўтказиш имкониятини бутунлай рад этди.

"Биз Фьюри билан келишиб олишга жуда кўп уриндик, лекин улар шунчаки ақлдан озганлар, — дея таъкидлади Пол. — Менда кимнидир умрбод таъминлашга ҳожат йўқ, ҳеч ким Томми Фьюрини танимайди. Энди улар билан келишишга ҳаракат қилмайман. Мана шунақа гаплар", - деди америкалик.

Шунингдек, Жейк Пол аралаш якка курашларда дебют қилиш ниятида эканлигини ва буни Александр Усикка қарши MMA қоидалари бўйича жангда амалга оширишни режалаштираётганини тасдиқлади.

"Бу жиддий гап, лекин нима бўлишини кўрамиз, — деди Пол Усик билан жанг ҳақида. — Аввал машғулотларга қайтишим керак. Ҳаётда ҳали кўп ишлар қилиш мумкин".