21 фев 15:43
Янгиликлар

Бокс/ММА

Жейк Пол синган жағида иккинчи жарроҳлик амалиётини ўтказди + ФОТО

Блогер-боксчи Жейк Пол декабрь ойида супероғир вазнда собиқ жаҳон чемпиони Энтони Жошуага қарши кечган жангда синган жағида қайта операция ўтказишига тўғри келди.

"Яна жағимни операция қилдиришга тўғри келди. Болтлар ва пластиналар бўшашиб кетди, чунки мен ўтган икки ой давомида тинч ҳолатда бўлмадим", - деб ёзди Пол ижтимоий тармоқдаги саҳифасида.

Эслатиб ўтамиз, 20 декабрь куни бўлиб ўтган Жошуа ва Пол ўртасидаги жанг олтинчи раундда тўхтатилганди. Ўша вазиятда Пол ўнг қўл зарбасини ўтказиб юбориб, иккинчи марта нокдаун ҳолатига тушиб қолганди. Жангдан сўнг Жейк дарҳол касалхонага олиб кетилди ва операция қилинди. Жарроҳлик амалиёти жараёнида Полнинг бир нечта тишлари олиб ташланди, синган пастки жағини эса титан пластинкалар билан маҳкамланди.