18 апр 10:11
Янгиликлар

Кураш

Жиззах мезбонлик қиладиган Осиё чемпионатига тайёргарлик бошланди

20-25 май кунлари Жиззах шаҳрида UWW таснифадаги белбоғли кураш спорт турлари оиласига мансуб бўлган белбоғли кураш, қозоқ куреси ҳамда алиш кураши бўйича Осиё чемпионати ўтказилиши режалаштирилган.

Шу боис, Осиё белбоғли кураш конфедерацияси раиси Мўмин Муратов бошчилигида қўшни Қозоғистондан келган Халқаро казах куреси ассоциацияси бош директори Естек Ерлан Жумабекул, Халқаро казах куреси ассоциацияси ижрочи директори Дамир Бекбосинов, Қозоғистон улоқ-кўпкари ва миллий спорт турлари маркази раҳбари Бакдаулет Сабитов ҳамда Ўзбекистон белбоғли кураш федерацияси раиси Равшан Дастировлар Жиззах шаҳрида бўлиб, мусобақа ўтказиладиган амфитеатрни бориб кўришди.

Шунингдек, меҳмонлар мусобақа кунлари спортчиларнинг яшаши ва овқатланиши учун ажратилган жойлари билан ҳам танишишди. Спорт делегациясига Жиззах вилояти ҳокимлиги ва Жиззах вилояти прокуратураси раҳбарияти ҳамроҳлик қилишди.