28 мар 07:59
Янгиликлар

Теннис

Жокович коронавирусга қарши кураш учун миллион евро ажратди

Бутун курраи заминимизда, шу жумладан Сербияда ҳам COVID-19 пандемиясига қарши кураш кечмоқда.

Сайёрамизнинг биринчи ракеткаси Новак Жокович турмуш ўртоғи Елена билан бирга вирусга қарши кураш акциясида иштирок этяпти. Жоковичлар оиласи Сербияда ушбу кураш учун 1 миллион евро хайрия қилишди.

Ушбу маблағ сунъий нафас бериш жиҳозлари ва бошқа зарур медицина аппаратларини харид қилиш учун сарфланади. Бугунга келиб Сербияда 457 киши COVID-19 вирусини юқтириб олган. Саккиз киши бу вабодан вафот этган.