Жокович навбатдаги "Улкан тожи" учун юришини давом эттирмоқда

Нью-Йорк шаҳрида ўтказилаётган "Катта Дубулға" туркумига кирувчи АҚШ Очиқ чемпионати ўзининг қизғин палласига кириб боряпти. Сайёрамизнинг биринчи рақамли теннисчиси Новак Жокович 1/8 финалда мезбон теннисчи Женсон Бруксбига қарши кортга чиқди. 

Тўрт сет давом этган баҳсда сербиялик теннисчи рақибини 1:6, 6:3, 6:2, 6:2 ҳисобларида мағлуб этди ва чорак финалга йўл олди. Энди 34 ёшли Новак ярим финал йўлланмаси учун Италия вакили Маттео Берриттинига қарши баҳс олиб боради.