Жокович "Ролан Гаррос" 1/2 финалида!

Эркаклар ўртасидаги баҳсларда дунёнинг биринчи ракеткаси Новак Жокович ярим финал иштирокчисига айланди. Сербиялик теннисчи 3 соату 10 дақиқа давом этган 1/4 финал учрашувида рейтингнинг 18-поғонасида бораётган испаниялик Пабло Карреньо-Бустани мағлуб этди - 4/6, 6/2, 6/3, 6/4.

Баҳс давомида 33 ёшли Новак 2 та, 29 яшар Карреньо-Буста эса 3 та эйс зарбасини амалга оширди. Ўзаро учрашувларда ҳамон Жокович олдинда - 4:1. Сербиялик бу билан ўнинчи маротаба Франция Очиқ чемпионати ярим финалида кортга чиқади.