31 май 11:03
Янгиликлар

Теннис

Жокович "Ролан Гаррос" чемпионлик ҳимоясини давом эттирмоқда

Дунёнинг биринчи ракеткаси Новак Жокович "Катта Дубулға" туркумига кирувчи Франция Очиқ чемпионатининг учинчи даврасига йўл олди.

Сербиялик теннисчи "Ролан Гаррос" турнирининг амалдаги чемпиони ҳисобланади. У иккинчи даврада ATP рейтингида 63-ўринда бораётган испаниялик Роберто Карбальес Баэнани ортиқча қийинчиликсиз мағлубиятга учратди - 6/4, 6/1, 6/2. Теннисчиларнинг ўзаро учрашувларидаги ҳисоб йириклашди - 3:0.

Икки соату тўрт дақиқа давом этган баҳсда Жокович 5, Карбальес Баэна 2 та эйс зарбасини амалга оширган. Қўшхатолар Баэнада кўпроқ бўлди - 3 га 1. Брейклар бўйича устунлик эса Новак томонда - 7 га 2. Энди у French Open учинчи босқичида италиялик Лоренцо Музеттига қарши кортга чиқади.