Жокович US Open турниридаги иккинчи учрашувини ўтказди

Дунёнинг биринчи ракеткаси Новак Жокович мусобақанинг учинчи даврасига йўл олди. Сербиялик теннисчи иккинчи давра учрашувида рейтингнинг 121-поғонасидан жой олган нидерландиялик Таллон Грикспурни ортиқча қийинчиликсиз мағлуб этди - 6/2, 6/3, 6/2.

Роппа-роса 100 дақиқа давом этган баҳсда 34 ёшли Новак 13 та, 25 яшар Таллон эса 5 та эйс зарбани ижро этди. Бу теннисчиларнинг ўзаро ўтказган илк учрашуви бўлди. Энди Жокович учинчи даврада япониялик Кеи Нишикорига қарши кортга чиқади.