Жокович Венада 1/4 финалга чиқди

Сайёрамизнинг биринчи ракеткаси Новак Жокович Erste Open мусобақасининг чорак финалига йўл олди. Сербиялик теннисчи иккинчи давра учрашувида рейтингнинг 24-поғонасидан жой олган хорватиялик Борна Чорични мағлубиятга учратди - 7/6(11), 6/3.

Икки соату 7 дақиқа давом этган баҳсда 33 ёшли Жокович 4 та, 23 яшар Чорич эса 9 та эйс зарбани амалга оширган. Теннисчиларнинг ўзаро учрашувларидаги ҳисоб янада йириклашди - 4:0.