Жон Изнер Фрэнсис Тиафони мағлуб этиб, Хьюстон турнири ярим финалига чиқди

Жаҳоннинг 27-ракеткаси, америкалик Жон Изнер турнирнинг чорак финалида АТР рейтингида 30-поғонани эгаллаб ткрган ҳамюрти Фрэнсис Тиафони 6/4, 2/6, 6/3 ҳисобида мағлуб этиб, мусобақадан чиқариб юборди.

Учрашув 2 соат давом этди. Ушбу вақт давомида 36 ёшли Изнер 16 та эйс зарбасини амалга оширди, тўпни ўйинга киритишда 2 марта хатога йўл қўйди ва 2 та брейк-пойнтдан унумли фойдаланди. 24 ёшли Тиафо эса 4 марта эйс зарбасини амалга ошириб, 3 бор қўш хатога йўл қўйди ва 2 та брейк қайд этди. Спортчиларнинг ўзаро учрашувларида ҳисоб Жон фойдасига 3:0 кўринишига келди.

Хьюстондаги мусобақанинг ярим финалида Изнер чилилик Кристиан Гаринга қарши баҳс олиб боради.