26 сен 11:10
Янгиликлар

Спорт курашлари, Бокс/ММА

Жон Жонс эркин кураш бўйича Олимпия чемпионига мураббийлик қилади

Оғир вазнда собиқ UFC чемпиони Жон Жонс эркин кураш бўйича Олимпия ўйинлари чемпиони Гейбл Стивенсон билан ҳамкорлик қилишини эълон қилди.

Бу билан америкалик аралаш яккакураш устаси Стивенсонни MMA’даги фаолиятига тайёрламоқда.

"Гап унинг буни қила олишида эмас, қачон амалга оширишида. Мен кўп йиллар давомида ажойиб шериклар билан ишладим. Лекин ҳар доим мураббий бўлсам, фақат муваффақиятга тўлиқ тайёр курашчи бўлишимни айтардим. Мен ўз одамимни топдим ва резюмега жаҳон чемпиони мураббийи унвонини қўшганимдан хурсандман", - деб ёзди Жонс ижтимоий тармоқдаги саҳифасида.

Маълумот учун, 25 ёшли Гейбл Стивсон сентябрь ойида LFA 217 турнирида Брайден Патерсонни биринчи раундда техник нокаут эвазига мағлуб этиб, аралаш жангларда дебют қилганди.