Жон Жонс ҳозирда ўзининг энг севимли MMA жангчиси кимлигини айтди

Америкалик 38 ёшли аралаш яккакураш устаси енгил вазн тоифасида UFC’нинг амалдаги чемпиони, мағлубият нималигини билмай келаётган 29 ёшли испания-грузиялик Илия Топурияни ёқтиришини тан олди.

"Менинг севимли ММА жангчим ҳар доим Андерсон Сильва бўлган, у шунчаки ақл бовар қилмайдиган спортчи. Ҳозир айтишим мумкинки, менга Илия Топурия ёқади, бу йигит мени илҳомлантиради. У шунчаки бомба!", - дея Жонснинг сўзларини келтиради Sportskeeda портали.

Маълумот учун, Топурия 2015 йилнинг апрель ойида профессионал аралаш яккакураш жангчиси сифатида дебют қилган. "Матадор" UFC`да 2020 йил октябрь ойидан ўз жангларини ўтказиб келади. Илиянинг рекордида 17 ғалаба бўлиб, улардан фақат иккитаси ҳакамлар қарори билан қўлга киритилган. Қолган 15 та жангни муддатидан аввал ўз фойдасига ҳал қилган.