Жошуа Усикка мағлуб бўлса фаолиятини якунлайдими? Британиялик жавоб берди

Британиялик боксчи Энтони Жошуа украиналик чемпион Александр Усикка қарши реванш жанги ҳақида гапирди. Жошуанинг сўзларига кўра, у Усикка мағлуб бўлган тақдирда ҳам фаолиятини якунламайди.

"Фаолиятимни тугатиш ҳақида ўйлаётганим йўқ. Олдинда энг катта жанглардан бири бор ва агар ҳозир кетиш ҳақида ўйласам, бу менинг ичимда кўп шубҳа уйғотади. Одамлар доимо савол беришади. Лекин мен фаолиятимни давом эттиришни хоҳлайман. Сабаби, мен боксни яхши кўраман", — деди Жошуа.

"Бу менинг жаҳон камари учун кетма-кет 12-жангим. Рақибим жаҳондаги энг яхши боксчиларидан бири. Бу менинг Олимпия чемпионига қарши учинчи жангим. Мен ҳар қандай вазн тоифасида энг яхши жангчилардан бири билан жанг қилишим керак. 

Агар мен бирор-бир жангчига ютқазиб қўйганимда кетиш ҳақида гапириш мумкин эди. Лекин сайёрамиздаги энг яхши жангчилардан бирига ютқазиб, фаолиятимни тугатиш ҳақида гапириш аҳмоқлик. Бу қандай сафсата? Одамларнинг фикрини ҳурмат қиламан. Лекин кетиш ниятим йўқ!", - дея Жошуанинг сўзларини келтиради Mirror.

Эслатиб ўтамиз, боксчилар ўртасидаги илк жанг ўтган йилнинг 26 сентябрида бўлиб ўтган эди.

Аввалроқ, ушбу жангга нафақат украиналик боксчининг, балки Тайсон Фьюрининг ҳам вакант камари қўйилгани ҳақида хабар берган эдик.