Жозе Альдо икки йиллик танаффусдан сўнг "қафас"га қайтмоқда

Хабарларга қараганда, Жозе 5 май куни ўз ватани Бразилиянинг Рио-де-Жанейро шаҳрида ўтказиладиган UFC 301 турнирида жанг қилади. Альдо ярим енгил вазн тоифасида UFC чемпиони бўлган. У UFC 301 турнирининг Co main-event жангида америкалик Жонатан Мартинесга қарши октагонга кўтарилади.

Эслатиб ўтамиз, Альдо ўзининг сўнгги жангини 2022 йилнинг августида UFC 278 турнири доирасида грузиялик Мераб Двалишвилига қарши ўтказиб, ҳакамлар қарорига кўра мағлубиятга учраган эди. Бразилиялик аралаш яккакураш устаси ўша мағлубиятдан кейин фаолиятини якунлаганини эълон қилганди. Двалишвилидан мағлубиятига қадар у 3 та ғалабали серия билан келаётганди. Альдо Роб Фонт, Педро Муньос ва Марлон Верани таслим этган эди.

Маълумот учун, Жозе Альдонинг бўлажак рақиби Жонатан Мартинес UFC рейтингида 14-ўринни эгаллаб турибди. У кетма-кет олтита жангда ғалаба қозонган.