Жозе Моуриньо Мадриднинг "Реал" клубидаги бош миссияси ҳақида гапириб берди

"Мен ҳам ҳозирга, ҳам келажакка ўз ҳиссамни қўшмоқчиман. Албатта, мен ғалаба қозонишни хоҳлайман. "Реал Мадрид"нинг яна зафар қучишини истайман, чунки бу уларнинг табиий ҳолатидир. Лекин, биринчи мартадагидек, мен мураббийнинг иши фақат ҳозирги кун билан чекланмайди — у келажакни тайёрлаш билан ҳам боғлиқ деган тушунчани ўзгартиришни хоҳламайман.

Одамлар мени қаттиқ дисциплинар ёндашув билан келади деб ўйлашади. Йўқ. Мен соғлом фикр билан келаман. Биринчи кундан бошлаб мен ўйинчилардан айнан соғлом фикрни талаб қиламан. Келиш вақти, кетиш вақти, тренажёр залидаги иш, майдондаги иш, тактик таҳлил билан якка тартибдаги иш… Профессионаллик, касбга ҳурмат ва айниқса клубга бўлган ҳурмат нуқтаи назаридан улардан талаб қиладиган ҳамма нарсам мен учун соғлом фикрдир. Ва ўйлайманки, улар ҳам буни соғлом фикр нуқтаи назаридан қабул қилишади.

Мен буни испан тилида қандай айтишни билмайман, лекин португал тилида мен учун жуда муҳим бўлган бир ибора бор: биз "Реал"да ишлашимиз керак эмас — биз "Реал" учун ишлашимиз керак. Мен учун бу ҳаммамиз ҳар куни қабул қилишимиз, тушунишимиз ва амалга оширишимиз керак бўлган тамойилдир. Мен айнан мана шу нарсани олиб кирмоқчиман: "Реал" манфаати учун меҳнат қилиш", — дейди Моуриньо Мадрид клубининг расмий сайтига.