Junior European Cup 2025. Ўзбекистон 4 та медаль эвазига 32 давлат орасида 1-ўринда бормоқда

Дунёнинг 4 қитъаси 32 давлатидан жами 428 нафар дзюдочи қатнашаётган Европа Кубогининг биринчи кунги баҳслари Ўзбекистон ёшлар терма жамоаси учун омадли келди. Камол Муродов бош мураббийлигидаги дзюдочиларимиз бугун 2 та олтин, 2 та бронза медалини қўлга киритишди. 

-66 кг вазн тоифасида юртимиз шарафини ҳимоя қилган Дишодбек Ҳамроев Prague Junior European Cup 2025 чемпионига айланди. У олтин медаль учун кечган финал беллашувида украиналик Назар Висковни мағлубиятга учратди. 

Терма жамоамизга иккинчи олтин медални Умида Ниғматова тақдим этди. Оғир вазндаги вакиламиз ҳал қилувчи финал баҳсида япониялик Ҳикару Ямагучидан устун келди. Умида финалгача озарбайжонлик Нигар Сулейманова ва қозоғистонлик Руслана Махатовани мағлуб эта олганди.    

Шунингдек, биринчи кунги баҳсларда 2 та бронза медалини ҳам қўлга киритдик. Сарвиноз Ҳусанова бронза медали учун кечган ўзига хос ўзбек дербисида Нигина Сапарбоевани, Самариддин Қўчқоров эса Асадбек Мисировни таслим этди. 

Олтин медаллар

-66 кг: Дишодбек Ҳамроев

+78 кг: Умида Ниғматова

Бронза медаллар

-60 кг: Самариддин Қўчқоров

-63 кг: Сарвиноз Ҳусанова