11 май 08:33
Янгиликлар
Таэквондо
Кадетлар ўртасидаги ЖЧ. Бугун яна 4 нафар спортчимиз медал учун баҳс олиб боради
Бугун Бирлашган Араб Амирликларининг Фужайра шаҳрида таэквондо WТ бўйича кадетлар ўртасидаги дунё биринчилиги доирасида иккинчи кунги беллашувлар ўтказилади.
Кун давомида йигитлар 33 кг, 49 кг, қизлар эса 33 ва 55 кг вазн тоифаларида баҳс олиб боришади, шу жумладан, терма жамоамиз аъзолари ҳам.
Жуфтликлар қуйидагича:
Йигитлар:
33 кг вазнда 1/32 финал босқичи: Яҳёхон Бурхонов - Батир Эдилов (Қирғизистон);
49 кг вазнда 1/16 финал босқичи: Фарруҳ Бурхонов - Матеа Лукич (Сербия).
Қизлар:
33 кг вазнда 1/16 финал босқичи: Робия Мирабзалова - Динара Шерипова (Нейтрал мақомдаги спортчи)/Галиндо Морено (Испания) баҳси ғолибига қарши;
55 кг вазнда 1/32 финал босқичи: Зилолахон Мусаева - Каролина Шрейнер (Дания).
Беллашувлар Тошкент вақти билан 10:00 да бошланади. Кеча мусобақанинг илк куни доирасида вакилимиз Султонбек Набиев олтин медалга эга чиққанди.
Ҳавола :
Манба : t.me/uzbtaekwondowt
Фикрлар