17 июл 10:46
Янгиликлар

Бокс/ММА

Камару Усман эҳтимолий рақибларини санаб берди

Вазн тоифасидан қатъи назар дунёнинг собиқ энг кучли UFC жангчиси Камару Усман октагонга қайтишини сабрсизлик билан кутмоқда.

Нигериялик яримўрта вазнда собиқ UFC чемпиони октагонда ким билан тўқнаш келишни исташи ҳақида гапирди.

"Ҳозир менинг фаолиятим ўзининг финал қисмига етиб келяпти. Шу сабабдан менга якун чиройли ва тўғри бўлиши учун имконият беринглар. Шавкат Раҳмонов, Иан Гарри, Жек Делла Маддалена ёки Белал Муҳаммад менинг навбатдаги рақибим бўлиши мумкинми? Нима учун йўқ!", — деди Усман.

Эслатиб ўтаамиз, Камару ўзининг сўнгги жангини ўтган йилнинг октябрь ойида Абу-Дабида ташкил этилган UFC 294 турнири доирасида Хамзат Чимаевга қарши ўтказиб, Борзга очколар ҳисобига кўра имкониятни бой бериб қўйган эди.